اجمل الروايات الخيالية
في احدى البيوت البسيطة يعيش اخ واخته <<< اكيد عرفتوهم ما غيرهم العنود وفيصل
فيصل يطبخ والعنود قاعده في الصاله تتابع فلم : عنو تعالي ساعديني
العنود : انت دورك اليوم انا امس طبخت الاكل ونظفت المطبخ وغسلت الملابس ونظفت البيت وغسلت الحوش وسقيت الزرع وو
قطعها فيصل : حسى بالعه راديو انتي قلت لك ساعديني مو قولي قصة حياتك امس
العنود بصراخ : فيصللل جوعااااااااااااااااااااااانه
فيصل : اجل تعالي اطبخي انتي
العنود طفشت منه راح تموت جوع وهو باقي دخلت المطبخ شافت العجب
كان لاف المريلة بالمقلوب وجهه فيه معجون يده وملابسه مليانه عجين اطراف شعره احترقت والمطب حوسه صرخت : لاااااااااا
فيصل بغباء : وش فيك
العنود : مين راح ينضف هذا كله انا اكيد
فيصل يتلفت وشاف وجهه بالمراية اللي قدام باب المطبخ سكت شوي ثم : هههههههههههههههههه والله اني نكته
العنود شوي وتبكي سحبته وطلعته برا : روح خذ لك شور انا بسوي العشا روح
طلع وهو يضحك راح ياخذ شور وينام لين يجهز العشا
دخلت العنود المطبخ نظفته وخلصت وسوت العشا وصار هذا في مدة لا تقل عن 3 ساعات
حضرت الاكل وراحت تنادي فيصل دخلت وصحته وطلع يتعشى وتعشوا وراحوا يشوفون فلم وبنص القلم دق جوال فيصل
ورد
فيصل : هلا عمار
عمار : هلا فيك اخبارك ي القاطع
فيصل : انا القاطع والا انت ما ترد لك اسبوع
عمار :هههه وش اسوي مشاغل الا كيف عناد
فيصل : االحين جنبي
عمار : قول لها الدبه ليش ما ترد مشتاق لها
فيصل : لف لعنود ليه ما تردين على عمار
العنود منسجمه مع الفلم : متى دق
فيصل لعمار : متى دقيت
عمار : افاا شكل اختك ما درت عن هوى داري
فيصل : هههه الظاهر كذا
العنود استوعبت كلام فيصل وسحبت الجوال من : ارحبو كيقك وشعلومك
عمار : هههههه حسيت كأني مع واحد من الشباب مو مع بنت
العنود : اقول خل عنك هالكلام وقلي عن اخبارك واخبار عمي وعمتي ورند وريما وحشوني كثيير
عمار : كلهم بخير ويسلمون عليك وحتى انتي وحشتيهم ومن ضمنهم انا
العنود بهبال : آآآخ وحشتني حنووون
عمار فز قلبه من سمع طاريها وبدون ما يحس : آآآخ يا حنان
العنود بخبث : الاخ عشقااااااان
عمار انتبه لنفسه : لا وين عشقان ذي بنت خالتي قرصتني وقعد اكلمها اسمها حنان
العنود عرفت انه يصرف : ههههه صدقناك خلاص
انتهى الجزء الاول من البارت الاول وان شاء الله اليوم العصر اكمل الجزء الثاني لاني مواصله والنوم لاعب بحسبتي لعب
اتمنى اني القى تفاعل لو كلمه وحده بس
المصدر: منتديات سيدتي الجميلة
hujvt g; fpfd < lh hpffj leg; v,hdhj [ldgm
from منتديات سيدتي الجميلة
ليست هناك تعليقات:
إرسال تعليق