ياااصاحبي شوف وقتي....✒️بقلمي

ياااصاحبي شوف وقتي

ياصاحبي شوف وقتي معلناً جوره

ساق الحشا لين عروقي فالحشا ذابت

الوقت في قلبي يلعب لعبت الكوره

شفني على كثر صكات الزمن ثابت

العمر محدود و ايامي لها دوره

شيبت ورموش عيني ياخوي شابت

ماكنت اعرف ان جرح الوقت له ثوره

يالين ثارت جروحي وشمسنا غابت

اساير وقتي وجروحاً فيني منثوره

الجرح ماطاب والايام ماطابت

ياخوي وقتي علامه طايلاً سوره

يلعبي و قتي و حزني بالحشا نابت

اتوب وستر جروحاً ماهي مستوره

لكن عني جروحي ليه ماتابت

كنها تباها بقلبي و حيل مغروره

ياويل من هو سهوم الوقت به صابت

الناس ماتاوي روحي شفها مقهوره

سيول هرج القفا في دربي انسابت

والله ما تهز قلبن صامد شعوره

لو اخذت مني ودت عني و جابت

المصدر: منتديات أطياف السعوديه - من قسم: منتدى ابداعات كتبت بارواحنا

from منتديات أطياف السعوديه