روايتى علشانك سويتها , حكايتى لك واجمل الروايات الجديدة

روايتى الجديدة لك اجمل الروايات الخيالية

مقدمة

...........- أوي إنت

............ - تكلمني انا؟؟؟

..........- لا اكلم الجدار إلللي وراك .... ليش انت برا الصف؟؟؟

.........- انا اصلا صفي ما اعرفه

........- تعال انا اوديك له

مسكه الإستاذ من إيده وسحبه معاه وفي الطريق سأله

الإستاذ- إنت صف كم؟؟؟

.........- انا صف ثالث إعدادي

الإستاذ- انزين ثالث إعدادي كم؟؟

.......- ماادري توني داخل المدرسة

الإستاذ- يعني انت جديد على المدرسة؟؟؟

الطالب هز راسه بإي

الإستاذ أخذه معه إلى لوحة قوائم الطلاب وسأله وهو يناظرفي القوائم

الإستاذ- إيش إسمك؟؟؟

........- آآآآ .... إسمي فيصل

الإستاذ- فيصل منو؟؟؟

فيصل- فيصل محمد ال.........

الإستاذ ظل يدور في القوائم لين ما وصل آخر صف ثالث إعدادي وحصل اسم فيصل رقم 22

الإستاذ- هذا إسمك إنت بصف 9/5

فيصل- انزين ووينه؟؟؟

قال الإستاذ وهو يأشرلآخر الممر على يساره

الإستاذ- تشوف الصف الاخير إللي بآخر الممر؟؟

فيصل- إي!

الإستاذ- هذا صفك

ناظر فيه فيصل ثواني بس وهز راسه وقال وهو يناظر في الإستاذ

فيصل- طيب..... مشكور على المساعدة إستاذ

الإستاذ- الله يعافيك ...يلا انا بروح عندي شغل

مشى الإستاذ عنه وخلاه بروحه في الممر

غمض عيونه وفتحهن ومشى إلى الصف بخطوات بطيئة

لما وصل كان فيه هدووووووء غريب

فتح الباب بهدوء بدون ما يضربه

دخل كان وما حصل حد في الصف

أبدا كان الصف فاضي تماما

دخل خطوتين وسمع صوت احد يمشي وراه وقف

فجأة دخل وراه واحد من الطلاب

وجلس فمكانه

بعد ثواني دخل طالبين

وبعدهم مرة ثانية إثنين وكل واحد جلس مكانه بدون ما يشوف فيصل

والطلاب يدخلوا واحد ورا الثاني لحد ما إمتلى الصف بالكامل

ولا واحد منهم شاف فيصل

وإللي شافه ما اهتمبه

وفيصل واقف مكانه مرتبك

بعد ما دخل كل الطلاب

كان فيصل يبي يمشي خطوة وحدة بس .........................

دخل وراه الإستاذ

تجمد مكانه ولا قدر يتحرك

الإستاذ سلم وخلص اموره والطلاب جلسو

وفيصل واقف مكانه

ثواني بس وسمع الإستاذ يقول بصوت عالي

الإستاذ- انت اجلس مكانك

التفت فيصل للإستاذ وبدون ما يتكلم دخل وجلس ف مكان فاضي فنص الصف

مضت الحصص بطيئة كالعادة

بس ما كانت حصص تدريس لانه أول يوم مدرسة

فالإستراحة

فيصل وهو جالس مكانه يناظر فطاولته وهو يفكر

فجاة يتلقى ضربة قوية فظهره

تصلب ظهره من قوتها

التفت للي ضاربه

كان واحد من زملائه سحب كرسي وجلس جنبه

سأله

............- أيش اسمك؟؟

فيصل- فيصل محمد ال........ وأنت؟؟

........- لا والله تسألني عن إسمي بعد؟؟؟

فيصل استغرب من إجابته وقال

فيصل- وليش ما اسألك؟؟؟ أنا خبرتك وأنت خبرني

.........- أمزح ..اسمي فارس ابراهيم ال......

فيصل- تشرفنا

فارس- حد معك؟؟؟

فيصل ما فهم بس قال

فيصل- لا ..ليش؟؟؟

فارس- قلت تشرفنا .... من إللي معك؟؟لانها بصيغة جمع

فيصل- ما شاء الله واضح إن العربي ماثر .......... انزين تشرفت

فارس-لا هو مو مؤثر بس انا ......

قاطعه فيصل- قوي في العربي؟؟

ابتسم فارس وما رد عليه

سأله

فارس- إنت تعرف حد من الصف؟؟؟

فيصل وهو يهز راسه- لا ... إنت بس

فارس- طيب ... أعرفك عليهم

كمل وهو يأشر لطالب جالس وحده في الزاوية وماسك بإيده كتاب

فارس- تشوف هذاك إللي هناك؟؟

فيصل- إي

فارس- هذا اسمه سليمان إذا ما عرفت أي شيمن أي درس روح

له بيعطيك درس خصوصي

فيصل- ماشاء الله

أشرفارس على واحد مضبط شكله وبشرته بيضا وشعره أسود كثيف

فارس- وهذا إذا تبي تعرف أي شي عن الموضة

إسأله ترا ما بيقصر ... اسمه حمود

فيصل- واضح من شكله

أشر فارس على واحد شاوي (بزر)

فارس-أماهذا الصراحة موسوعة نكت

إذا تبي نكته جديدة بكيسها إسأله

فيصل- آها

وكمل فارس يعدد الطلاب واحد واحد

هلال جسمه شوي ضخم بس ما ينمل ودومه مبتسم

عامر دومه يصورخ وصوته عالي مثل المكرفون

جمعه مثقف وفوضى فنفس الوقت وعنده أفكار حلوة

عزان هادى وذكي

يعقوب تعليقاته قوية تشوي الجبهة>>> الله يعيننا

محمد خواف وعنده أفكارحلوة

حمد متقلب المزاج >>> ما حد يعرفله

والأخير فيصل

الأسماء تتشابه بس الشخصية عكس تماما

فيصل قوي وكتوم وعنده شخصية

ما يسكت عن حقه ولو كان تافه

ويسوي مشاكل دائما>>> كما يقول فارس

من كذا نصح فارس فيصل إنه يبعد عنه

بعد الدوام رجع فيصل (بطلنا) بيته

ومباشرة رمى بجسمه على سريره وإنسدح

ونام بدون ما يغيرملابسه>>> من كثر التعب

إيش إللي راح يصيرله في اليوم إللي بعده؟؟؟

المصدر: منتديات سيدتي الجميلة

v,hdjn ugahk; s,djih < p;hdjn g; ,h[lg hgv,hdhj hg[]d]m

from منتديات سيدتي الجميلة